Omapulo Akumbululwa

◼ Ovalie vapondola okuhoneka mo Internete no poukasa wokuita omikanda ine okutaleluapo?

Omikanda vietu vina okakasa apa omunthu apondola okuhoneka iya eketumikisa ko ombetele, pala okuita omikanda ine okutaleluapo Nombangi ya Jeova. Tupu, upondola okuundapesa Web site yetu www.watchtower.org inkha ahanda okulongeswa Ombimbiliya. Otyo tyikahi nokukuatesako ovanthu ovanyingi okulilongesa otyili. Anthi, pehole okumoneka ovitateka tyina ovaivisi vamwe vaundapesa o site oyo, opo vaitileko ombunga yavo omikanda, ine omunthu ekevelongese Ombimbiliya.

Vamwe vehole okutumikiswa nombetele omikanda vahaitile, vanumana, mokonda vasoka okuti eongano lietu liahoneka omanyina avo opo livekuluminye omikanda. Ovaivisi vamwe vehole okutambula omukanda wokutalelapo omunthu waitiluako, velitehelela omapita tyetyi omunthu vavasa unumana mokonda haeko waita. Moluotyo, ovanthu vokuasuka ove muene vena okuita mo Web site yetu ine okuhoneka poukasa wokuita omikanda vietu, kavaitiluako na vakuavo. Tyina ofiliyale yamaimbuka okuti ovaivisi vaitilako vakuavo, kamailingi natyike.

Oñgeni tupondola okukuatesako ombunga okulongeswa Ombimbiliya? Inkha ove uhanda ombunga yove atambule omikanda vietu, oityi kumutumikisila vio ove muene? Inkha oe walekesa okuti wesuka iya uhanda okutaleluapo Nombangi ya Jeova, mahi ove kutyivili okupopia novakulu vewaneno lio potyilongo akala, upondola okuhoneka oformulaliu Queira Visitar (S-43), oyavela omukulu omuhoneki weuaneno lienyi, meitale nawa iya eitumikisa ko filiyale. Mahi, inkha omunthu wokuesuka ukahi mokaleya, ine mondyuo yokuhakula vokupuena omapangwe, ine o mosipitali, ove kusukisa okupopia no filiyale konthele yae. Anthi, upondola okumupa ondundo opo apopie novakuatate vehole okutalelapo onondyuo ombo, ine opo ahonekele oe muene ko filiyale.