Katalelepo Liwa Vana Vesuka

Tunde etyi o site yetu yalingwa, ovanthu vaita opo valongeswe Ombimbiliya vekahi nokuliyawisa unene. Tupu, ovanthu ovanyingi vekahi nokuita ku vana vekahi nokuivisa monkhalelo omphe yokuivisa mounyingi. O FilIyale ikumbulula liwa-liwa. Mongeleka, inkha umwe waitila mo jw.org, opo alongeswe Ombimbiliya, Ombetele ituma omukanda oo kovakulu vewaneno potyilongo tyomunthu oo tyina pamalambe ononthiki onombali. Omikanda vitunda momawaneno vilekesa okuti ovanthu vamwe vaita okulongesa Ombimbiliya vevevasa mo nosimano mbehehi. Oñgeni tupondola okukala nonthumbi yokuti omunthu makuatesako tyina ehenesoye?​—Mar. 4:14, 15.

Inkha omunthu walekesa esuko kakala potelitoliu yenyi honeka mo Formulariu Queira Visitar (S-43) owavela omuhoneki weuaneno meliongiyo malilandulako. Omuhoneki weuaneno upopila ewaneno likahi potyilongo paakala omatumu oo nokutuma omukanda Kombetele tyihalambesa onthiki ike ine onombali okuundapesa o enyina Liewaneo mo jw.org. Ovakulu vewaneno vena okutala apeho mo Site. Inkha vatambula omukanda vapopia tyihasete nomuivisi memukuatesako liwa-liwa. Omuivisi watumwa opo ekemuovole oe una okusuka nae tete. Inkha omunthu kekahi peumbo, ove upondola okuhoneka ombalulo yotelefone yove oisipo opo mulivase.