Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete mu Kulindi

“Ovanyingi vetavela okuti Huku nthiki imwe mevekoyesa mokonda yovipuka valinga. Ove usoka okuti tuesukisa okukevelela Onthiki Yekoyeso ine okuitila owoma? [Yeka omunthu akumbulule] Tala etyi omukanda ou upopia.” Lekesa omunthu Omutala Womulavi 1 ya Kulindi, amutange nokupopia konthele yonondaka mbukahi pombuelo yosapi yotete pefo 26. Konyima amutange ike po notestu mbukahipo. Muavela Omutala Womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Kulindi

“Kononthele ononyingi mbouye ovakai vamoneswa ononkhumbi tupu kavahumbilwe. Tyinumanesa vali, omokonda omatavelo onongeleya ayawisa kononkhumbi ombo. Ove usoka okuti Huku wasuka umwe novakai? [Yeka omunthu akumbulule.] Tala onondonga mbo Mbimbiliya mbulekesa oñgeni ovalume vena okutekula ovakai vavo. [Tanga Efésios 5:​28, 29.] Omukanda ou ulekesa oityi Ombimbiliya ipopia konthele yoñgeni Huku atala ovakai.”

Despertai! de Outubro

“Ovohe ovanyingi vahanda ovana vavo vapite monosikola onongwa. Ove usoka okuti ovakuendye novafikuena vokuapita monosikola ononene, vapongiyua umwe nawa opo vafinde ovitateka viomuenyo? [Yeka omunthu akumbulule.] Tala oityi Ombimbiliya ipopia konthele yesilivilo liokukala nenoñgonoko nounongo. [Tanga Eclesiastes 7:12.] Omukanda ou wava onondonga mbakolela pala okukuatesako ovana opo vapole esilivilo mosikola.”