Omalekeso Ehepuiya

Okuhimbika Okulongesa Ovanthu Ombimbiliya Motyasapalo Tyotete mu Kupupu

“Ovanthu ovanyingi vena omalusoke elikalela konthele ya Huku. Vamwe vasoka okuti Huku eelema. Vakuavo vasoka okuti o Tate una oluembia ukala keulu. Kuove Huku ukahi ñgeni?” Yeka omunthu akumbulule. Lekesa onthele ikahi konyima yefo liahulilila Momutala Womulavi 1 wa Kupupu amulilongesa onondaka mbukahi pepulo liotete notestu ike pumbuna mbukahipo. Ava Omutala Womulavi no Despertai! amulilae onalupi moya okulilongesa nae epulo ekuavo.

Omutala Womulavi 1 ya Kupupu

“Tukahi nokutalelapo ovanthu opo tutomphole navo konthele yotyipuka tyisukalalesa ovanthu aveho, okunkhisa omunthu tuhole. Ove utavela okuti okunkhisa epanga ine ombunga tyiihama unene? [Yeka omunthu akumbulule.] Ovanthu ovanyingi vakuatesuako no testu ei Yombimbiliya. [Tanga Isaías 25:8.] Omutala ou womulavi upopia omulao upameka Wombimbiliya wokuti ononkhia mambupuko vokuankhia mavapinduluapo.”

Despertai! de Janeiro

“Ove utavela okuti onombunga hono mbupita movitateka ovinyingi? [Yeka omunthu akumbulule.] Onthengele-popia ei Yombimbiliya, itupopila oityi onombunga mbuna okukala natyo, opo mbupameke vomeumbo. [Tanga Provérbios 24:3.] Ovanyingi vaimbuka okuti Ombimbiliya tyotyili ondyivi-ndyivi younongo. Omutala ou womulavi upopia o Web site ike vala muvasiwa oviti viapolwa Mombimbiliya, pala okukuatesako onombunga.”