Okuyawisa Ounongo Wetu Wokuivisa—Okusuka novanthu

Tyakolela Mokonda Yatyi: Jesus ankho utala etyi munthu evila nokusuka nae. Mongeleka, nthiki imwe Jesus wakalele nokankhenda nomulume umwe ankho uheiviko, etyi ekahi nokumuhakula, emuihanena pokamphengi, kokule novanthu. (Mar. 7:31-35) Jesus walekesile okuti ankho wesuka novalongwa vae etyi aimbuka okuti kuna ovipuka vehevili, nokuhevepopila ovipuka ovinyingi-nyingi. (João 16:12) Alo umwe tyina ekahi keulu, Jesus utualako okusuka novanthu. (2 Tim. 4:17) Mokonda tuvalanduli va Kristu, nonthue tuhanda okumuhetekela. (1 Ped. 2:21; 1 João 3:16, 18) Ngotyo, matuendesa vali nawa ovilinga vietu viokuivisa inkha tusuka novanthu, mokuhoneka ovola muelilaa, netyi vesuka natyo, netyi vasukalala natyo. Omunthu matehelela vali nawa inkha utyimona okuti otyilinga tyetu hakuivisa vala ine okuava omikanda, omokonda tuesuka nae.

Linga ñga:

Lifuiika nawa. Lipulukwa, kala ondyandyi, kala epanga.
Tala nawa. Okuti weete ovipuka vilekesa okuti omunthu una ovana? Okuti watekula ovipako? Okuti una etyi tyilekesa okuti una ongeleya? Hamwe upondola okuhimbikila etompho kovipuka ovio.
Mupula apopie etyi asoka, otehelela nawa tyihemutete. Tala kwe tyina apopia opo ulekesa okuti ukahi nokutehelela nawa. Noñgonoka etyi apopia, nokumupandula nawa-nawa. Lityilika okupopia unene no nomphingahane.
Pilaulula ononkhalelo wivisa. Inkha tyesukisa, pilulula onondaka mbove mbokuhimbika okutalela komasuka-suka omunthu. Otyo katyepuiyile mokonda ono tratadu mbetu no nombrochula, Nomutala Womulavi ine o Despertai! mbuna onosapi mbelikalaila. Inkha tumuvasa wakuata omapita, hamwe una ovilinga, tyiimbuka, ohapopi ehimbwe.

Tyilinga Mokueenda Kuohanyi:

Mefendelo liombunga lilongesei etyi mamukalinga ine tyina mukahi movilinga viokuivisa omuivisi upondola okupilulula onondaka okutalela kuetyi omunthu apopia.
Tyina mulinga eliongiyo liovilinga viokuivisa, omukuatate ukahi nokuhongolela otyikundyi upondola okupopia ine okulekesa ononkhalelo tupondola okusuka novanthu.