Okuyawisa Ounongo Wetu Wokuivisa—Okupopia Nawa Nomunthu Wahahandele

Tyakolela Mokonda Yatyi: Ovanthu ovanyingi tuvasa movilinga viokuivisa vena onondunge. Mahi, Jesus wapopile okuti ovanthu ovanyingi mavetuyale. (João 17:14) Ngotyo, otyo katyituhuvisa inkha ovanthu tuvasa vanumana, kavahande okutehelela. Tyina otyo tyamamoneka, tuesukisa okuvekumbulula monkhalelo ilekesa okuti tuumbila Jeova. (Rom. 12:17-21; 1 Ped. 3:15) Inkha tulinga ngotyo matukala netompho ewa, atuhayaye. Tupu, matyiavela oumbangi ku ava tupopia navo, na vana vetuete, iya tyina Onombangi mba Jeova mbameya vali okumutalelapo avatehelela.—2 Cor. 6:3.