Kuatesako Omulongwa Wombimbiliya Okukula Elipakula Ambatisalwa

TYAKOLELA MOKONDA YATYI: Opo omulongwa wo Mbimbiliya apandwe na Jeova, wesukisa okutyinda omuenyo welikuata novitumino viae, elipakula iya ambatisalwa. (1 Ped. 3:21) Vana vatyinda omuenyo welikuata nelipakulo liavo, vena ombembwa na Huku. (Sal. 91:1, 2) Omukristau una okulipakula ku Jeova​—ha-kovanthu, ha-kovilinga, ha-keongano. Moluotyo, ovalongwa vesukisa okukula iya avakala nohole nokupanda Huku.​—Rom. 14:7, 8.

TYILINGWA ÑGENI?:

• Pokulongesa omunthu Ombimbiliya, popia vali unene konthele ya Jeova. Muavela ondundo opo atange Ombimbiliya ononthiki ambuho, nokulikuambela “apeho” ku Jeova.​—1 Tes. 5:17; Tia. 4:8

• Avela ondundo omulongwa wove, opo asoke kelipakulo, nombatisimu, aovola okuvasa ovilinga meongano lia Huku. Tupu mukuatesako okuvasa ovilinga vimwe ngetyi, okuava omakumbululo momaliongiyo, ine hamwe okuaava oumbangi komunthele yae ine hamwe ku vana aundapa navo. Hinangela okuti Jeova kakuluminya nawike opo emufende. Elipakulo etokolo lia kese wike.​—Deut. 30:19, 20

• Lunda omulongwa wove opo alinge omapiluluko esukisa, opo ahambukiswe Jeova iya ambatisalwa. (Pro. 27:11) Mokonda ovipuka vimwe ine ovituwa ankho etyiliya , tyipondola omulongwa mesukisa okukuatesuako opo ayekepo ovituwa ovikulu ovivi, iya akala omunthu omupe. (Efé. 4:22-24) Upondola okumulekesa ononthele mbukahi Momutala Womulavi mbati “Ombimbiliya Ipilulula Omuenyo Wovanthu”

• Popila omulongwa ehambu wakala nalio mokonda yokuumbila Jeova.​—Isa. 48:17, 18