Koya-po Okulingila Siovaa

Ine nkhele kunembatisalwe ine umulongwa okuti nthiki imwe uhanda okumbatisalwa? Uhanda okumbatisalwa mokonda yatyi? Okulipakula ku Siovaa Ombatisalwa tyikuatesako okukala noupanga wapama nae. (Sal. 91:1) Tupu vikuyovola. (1 Pet. 3:21) Oityi wesukisa okulinga?

Kala nonthumbi yokuti uli motyili. Ovola momikanda vietu omapulo amwe uhole okulilinga. (Loma 12:2) Ovola okunoñgonoka ovipuka vimwe una okuyekapo, iya olingi ononkhono mbokuhambukiswa Siovaa. (Pro. 27:11; Efe. 4:23, 24) Apeho muiita opo ekukuateseko. Kala nonthumbi yokuti mekupameka, iya mekukuatesako nononkhono mbae. (1 Pet. 5:10, 11) Etyi molingi hanonkhono-mphuila. Okulingila Siovaa otyo otyipuka tyikahi vali nawa upondola okulinga momuenyo wove! — Sal. 16:11.

HIKISA OVIDIU YATI: ETYI UNA OKULINGA OPO UMBATISALWE, IYA KONYIMA AMUKUMBULULA OMAPULO AA:

• Ovitateka patyi vamwe vakalele navio etyi vehenembatisalwe?

• Oityi wesukisa okulinga opo ukale nekolelo liapama malikukuatesako okulipakula ku Siovaa?

• Oityi vamwe vesukisile okulinga opo vambatisalwe?

• Oñgeni Siovaa ayamba vana vakoya okumulingila?

• Okulipakula nokumbatisalwa tyilekesa-tyi?