Tyina Meumbo Tuamavasimo Omona

Ankho tyina tunyingila meumbo tuavasa vala omona, tuna okumuita akaihane ovo tate yae. Otyo tyilekesa okuti tuna onthilo novo tate yae. (Pro. 6:20) Ankho omona utuita tunyingile, tupondola okuhetavela. Ankho ovo tate yae vena ovilinga ine kavepo, tupondola okukondokako oola onkhuavo.

Ankho omona tuavasa wekula katutu, no ngotyo nkhele otyiwa tupule ovo tate yae. Ankho ovo tate yae vena ovilinga, tupondola okupula ankho tupondola okuveavela omukanda vesala nokutanga. Ankho vahanda, tupondola okuveavela omukanda ine hamwe okuvelekesa o jw.org.

Tyina tukatalapo omukuendye ine omukainthu wesuka notyili, tupondola okumupopila okuti tuhanda okulivasa novo tate yove. Otyo matyitukuatesako okuvepopila etyi tuaendela, atuvelekesa oñgeni Ombimbiliya ipondola okukuatesako onombunga. (Sal. 119:86, 138) Tyina tukala nonthilo novo tate yae, otyo tyipondola okutukuatesako okupopila ombunga yatyo aiho onondaka onongwa.—1 Ped. 2:12.