Huku Ukuatesako Vana Vakuatesako Vakuavo

Ovanthu ovanyingi mouye vahepa, vetupu eumbo, nokulia kutuuka. Ovakuavo vetupu omu veutoma. Ine tuvekuatesako, Huku mahambukwa.

OITYI ONDAKA YA HUKU IPOPIA?

“Una ulingila okankhenda vokuahepa, ukahi nokuundika Siovaa. Oe mekemukondolela.” — PROVÉRBIOS 19:17.

OKUKUATESAKO VAKUETU OITYI?

Sesusi watele oluñgano lwo mulume umwe wavetelwe nomakongombanda, aemusi enthuvia. (Luka 10:29-37) Avasiwa-po nomulume umwe ongendi emukuatesako. Wakuatesako mukuavo namphila ankho ha wo kotyilongo tyae.

Omulume oo wemupolapo, akutu povipute viae, emukengelela, emulingila ovipuka ovikuavo opo akale nawa. Ongendi oyo, ankho omunthu!

Oityi tulilongesila kehipululo olio? Sesusi ankho uhanda okutulongesa okuti tuesukisa okulinga etyi tuvila opo tukuateseko vana vesukisa. (Provérbios 14:31) Ombimbiliya ipopia okuti apa katutu Huku makamanako oluhepo, nononkhumbi. Hamwe una nokulipula oñgeni Huku meketyilinga. Onthele mailandulako maipopi ovipuka oviwa Omutungi wetu mekekuavela.