Oñgeni Upondola Okulilongesa Nawa Ovihonekwa?

Okuti mokoleleya movitateka nga Daniele? Daniele welilongesile Ondaka ya Huku okukutikinya-mo omaulo epuiya. (Dan. 9:2) Okulilongesa nombili matyikukuatesako okukala omukuatyili. Ñgeni ngotyo? Otyo tyipondola okuyawisa onthumbi yove yokuti omilao via Jeova mavikafuisuapo. (Josué 23:14) Tupu matyikukuatesako okuyawisa ohole yove mu Huku iya atyikuavela ondundo yokulinga etyi tyaviuka. (Sal. 97:10) Mahi opi mohimbikila? Tala ononkhalelo mbumwe.

• Oityi mandyililongesa? Okulilongesa muakutikinya okupongiya nawa omaliongiyo. Tyina utanga ovikapitulu mavitangwa mosimanu, mopolo-ko vali ouwa inkha wovolola ono testu wahanoñgonokele nawa. Vamwe tupu vehole okulilongesa vali konthele yomaulo Ombimbiliya, novinyango viospilitu sandu, nomaungendi a apostolu Paulu iya novipuka Jeova atunga. Inkha mokueenda kuonthiki ukala nomapulo amwe Ombimbiliya, ehoneka opo ha weovolole melilongeso liove.

• Opi ndyipondola okuovolola? Tala o vidiu yati: Oviti Vikukuatesako Okuvasa Omalumono a Huku. Opo utale inkha utyivila, ovolola konthele yomauhamba apopiwa meulo lia Daniele lipopia ovinyama mokapitulu 7.

• Omuvo ulifuepi ndyipondola okulilongesa? Okulilongesa apeho tyikuatesako okukala noupanga wapama na Huku. Upondola okuhelilongesa omuvo omunyingi iya katutu-katutu otyo uyawisako. Okulilongesa Ondaka ya Huku tyikahi ngatyina ukahi nokuheya omalumono, tyina wameevasi ukala vali nondundo yokutualako okuovola. (Pro. 2:3-6) Ehando una liokulilongesa Ondaka ya Huku, matyipepuka okutualako okulilongesa apeho.—1 Ped. 2:2.

OITYI OVINYAMA VIAPOPIWA MOKAPITULU 7 KA DANIEL VILEKESA?

• Dan. 7:4

• Dan. 7:5

• Dan. 7:6

• Dan. 7:7

OUTUMINI WOUYE AUHO:

Oñgeni Daniel 7:8, 24 yafuiswapo?

EPULO EKUAVO:

Oityi ovinyama viapopiwa mu Apocalipse okapitulu 13 vilekesa?