Okuhonekesa Ovilinga Vietu mo Quebec

Etyi Paulu ahungwa, aiti opo akakoyeswe na Sesale.Paulu ankho omutyitwa tyilongo wo Loma iya aundapesa omphitilo oyo opo ayakulile onondaka onongwa. Nonthue hono tuna okumuhetekela.Tala ovidiu yati: Okuhonekesa Ovilinga Vietu mo Quebec iya otale oñgeni ovakuatate vayakulila onondaka onongwa mo Quebec novitumino vyo tyilongo. Konyima amukumbulula omapulo aa:

• Ovitateka patyi ovakuatate vetu mo Quebec vakalele navio?

• Otratadu patyi vaavele iya yakalesile ñgeni ovanthu?

• Omukuatate Aimé Boucher walingilue ñgeni?

• Oñgeni Ombonge Onene yo mo Kanada yatetululile otyitateka tyomukuatate Boucher?

• Otyitumino patyi tyitilisa owoma ovakuatate valandulile iya tyevetelele ouwa patyi?

• Etyi elombe liatumine omakakunye opo atalameke eliongiyo, oityi tyamonekele-po konyima?