Ovituwa Oviwa Nonthilo Onene Vihika Komutima

Ovituwa oviwa vyo Mukilisitau wanepua welilongesa otyili vipondola okulunda omulume wae okutavela otyili. Mahi pamwe wesukisa okukoleleya omanima omanyingi. (1 Pet. 2:21-23; 3:1, 2) Inkha no ove ukahi nokumoneswa ononkhumbi tualako okufinda otyivi notyiwa. (Loma 12:21) Ongeleka yove ongwa ipondola okukukuatesako omulume wove okupiluluka.

Ovola okunoñgonoka oñgeni omulume wove atala ovipuka. (Fili. 2:3, 4) Kala nokankhenda nohole iya fuisapo nawa ovilinga viove. Tehelela nawa. (Tia. 1:19) Pwa-elundo iya omulekesa okuti umuhole unene. Namphila ngwe kekulekesa onthilo mahi kala tyityii okuti Siovaa upanda unene oukuatyili wove. — 1 Pet. 2:19, 20.

TALA OVIDIU YATI SIOVAA UTUPAMEKA OPO TUTYINDE OMUTENGI WETU, IYA KONYIMA AMUKUMBULULA OMAPULO AA:

• Oñgeni omuenyo wa Li ankho ukahi ponthyimbi yotyinepo tyae?

• Oityi tyemulunda okulilongesa Ombimbiliya?

• Omovitateka patyi akoleleya konyima yetyi ambatisalwa?

• Oityi omphange Li aita melikuambelo?

• Ovipuka patyi oviwa omphange Li akala navio mokonda yovituwa oviwa nokuna onthilo onene?