Mu Novembro Matuivisa Unene Konthele Youhamba wa Huku

Sesusi ankho wivisa “onondaka onongwa Mbouhamba wa Huku.” (Luka 4:43) Tupu walongesile ovanthu okuita Ouhamba wa Huku uye okutumina pano pohi. (Mat. 6:9, 10) Mu Novembro, matulingi ononkhono mbokuivisa unene konthele Youhamba wa Huku. (Mat. 24:14) Onganeka nawa ovipuka viove opo utyivile okuundapa unene movilinga viokuivisa mohanyi oyo. Vana mavakala ovakokoli-ndyila vapola pokati mohanyi na Novembro, vapondola okulinga onoola 30 ine 50.

Mohanyi oyo, linga ononkhono mbokutangela ovanthu otesitu ipopia Ouhamba wa Huku. Tyina uholovona otesitu motangela omunthu, soka kongeleya yae. Inkha utala okuti uhanda okulongeswa, muavela Omutala Womulavi wounyingi No. 2 wo 2020. Tyina wamakondoka-ko vali, taindya onkhalelo yokuhimbika okumulongesa momukanda umwe wo Tyipapo Tyetu Tyokulongesa. Apa katutu, Ouhamba wa Huku mauya okuhanyako omautumini aeho emutyitukilapo. (Dan. 2:44; 1 Kol. 15:24, 25) Ei omphitilo tuna yokulekesa okuti tuahula ku Siovaa, no Kouhamba wae. Ngotyo, undapa nombili movilinga viokuivisa mohanyi ya Novembro!