Popila Vakuenyi Okuti Apa Katutu Matukala Mouye Omupe!

Mohanyi ya Novembro, matupopila ovanthu okuti ouye omupe uli popepi. (Sal. 37:10, 11; Ehol. 21:3-5) Ovipuka wapanga okulinga mohanyi oyo, upondola okuvitala nawa utyivile okuundapa unene movilinga viokuivisa. Ankho mohanyi oyo ukala omukokoli-ndyila wapola pokati, ove utyii ine moundapa onoola 30 oo 50.

Linga ononkhono mbokutangela ovanthu ovanyingi onotesitu mbupopia ouye omupe. Tyina uya pokukoya onotesitu motange, soka ku ombu mambukuatesako ovanthu vopotyilongo tyenyi. Ine muatomphola nomunthu onthiki yo tete, iya tyina umutala ñgaa ngoti wetyipanda, muavela Omutala Womulavi No. 2 yo 2021. Wahasete okukondokako, iya ine tyetavela, ohimbika okumulongesa mombulusula Kalako Nomwenyo Apeho!. Matuhambukilwa ononkhono matulingi mbokupopila vakuetu “onondaka onongwa mbovipuka oviwa.” — Isa. 52:7.

TALA OVIDIU YOTYIIMBO TYOKUATI: OUYE OMUPE MAUYA. OKUMBULULA OMAPULO AA:

• Ovipuka patyi oviwa omukainthu walekeswa movidiu asoka?

• Ovipuka patyi ove uhanda okukamona mouye omupe?

• Okuti okusoka koviwa mokamona mouye omupe matyikukuatesako okuivisa unene mohanyi ya Novembro? Hangununa. — Luka 6:45.