Okuyawisa Ounongo Wetu Wokuivisa Ivisa Notelefone

OMOKONDA YATYI TYAKOLELA: Okuivisa notelefone onkhalelo imwe ikahi nawa “yokuava oumbangi nombili onondaka onongwa.” (Ovil. 20:24)a Otelefone itukuatesako okupopia nomunthu tyina tuhetyivili okuenda meumbo liae.

TYILINGWA ÑGENI:

• 

  Lifuiika nawa. Soka kotyipuka matyikuatesako ovanthu. Konyima ohoneka etyi mokapopia. Tupu soka kuetyi mopopi inkha tyina wamalikalela omunthu ahatendela otelefone, aitokela mo Correio de voz. Otyiwa ñgeno tyina wivisa notelefone pumphama, komesa opakeko omukanda wonondaka mopopi, novipuka ovikuavo wesukisa, ngetyi otelefone yove ine o tablet ina o JW Library^® ine jw.org^®.

• 

  Tula omutima. Popia vala ngetyi uhole okupopia. Limemetela okuyola ngatyina uli umwe ponthele yomunthu watyo. Tyina upopia wahatalame-talame, inkha katyesukisile. Okuundapa na vakuenyi matyikukuatesako okutula omutima. Inkha omunthu ukahi nokupopia nae ukupula tyimwe, epulo ekulinga liwana opo ou mukahi nokuundapa nae etyivile okukukuatesako okuvasa ekumbululo.

• 

  Muhila etyi mamuya okupopia tyina wamalikala vali. Inkha omunthu wesuka, upondola okumulinga epulo opo ulikumbulule tyina wamemulikalela vali. Tupu, upondola okumutuaila omukanda ine upondola okumutuma-o mo e-mail. Ine upondola okumupula inkha tyitavela umutume omukanda ine ovidiu. Inkha tyitavela, mupopila konthele yotyipuka tyimwe otyikuavo tyili mo site yetu.