Okuyawisa Ounongo Wetu Wokuivisa—Okusapo Etyi Mamuya Okupopia

Tyakolela Mokonda Yatyi: Putyina tuavasa omunthu wesuka notyili, onthue tuhanda tumuvase vali opo tutapelele ombuto yotyili tuakuna. (1 Cor. 3:6) Otyo apeho tyesukisa tusile omunthu etyi matuya okupopia tyina tuya vali okumutalelapo. Tupu, otyiwa okulinga omunthu epulo, matuya okukumbulula tyina tuya. Otyo tyikuatesako omunthu okukevela okutaleluapo, iya inkha ekumbululo liepulo tualinga likahi momukanda tuemusila, mahambukilwa okuutanga. Okusila omunthu etyi mamuya okupopia tupu tyipepukisa okuya vali mokonda etyi ove moya okupopia utyiyale iya nomunthu utyiyale okuti ove moya. Tyina tumuvasa vali, tupondola okumupopila okuti tueya okukumbulula epulo tuasilepo, pahe atupopi.

Linga Ñga:

Tyina ufuiika etyi mokapopia pokukaivisa, tupu holovona epulo mokasila omunthu ha moya okukumbulula tyina ukemutalelapo. Otyiwa okupola momukanda moave onthiki oyo ine okulinga epulo liakumbululwa momikanda tulilongesa, eli moya okuhimbika nalio tyina ukondoka.
Putyina umanuhula okutomphola nomunthu walekesa esuko, mupopila okuti uhanda okutomphola vali nae, iya omuhila epulo wapongiya. Monomphangu mbumwe ovanthu vena unene ovilinga iya vapondola okuanya tyina uvepopila okuti moya vali okuvetalelapo. Inkha o ngotyo, upondola okupula okuti: “Omuvo ou oo waviuka ndyipondola okukuvasa peumbo? [Yeka omunthu akumbulule.] Osimano ei maiya nahanda okuya vali tutomphole katutu, ndyikumbulule epulo eli . . . Tupu inkha ndyikuvasa una ovilinga, upondola okumphopila.”
Inkha wapopila omunthu okuti moya, omuvo walaa uhoneka. (Mat. 5:37) Tyina muamamane osipo etyi mamuya okupopia kumbi uya.

Tyilinga Mokueenda Kuohanyi:

Tyina ufuiika etyi mokapopia pokukaivisa, tupu holovona epulo makasila omunthu ha moya okukumbulula tyina ukemutalelapo. Popia nomuivisi muatunda nae konthele yotyo.