19-25 YA KAPEPO
OMIHE 14
Otyiimbo 89 Nelikwambelo | Onondaka Mbokuhimbika (1 min.)
1. Soka Etyi Molingi Tyina Wamauhulukilwa Novihuna
(10 min.)
Lunguka, wehetavele vala “onondaka ambuho” wiiva. (Omih. 14:15; Omutala Womulavi 02/2023 pefo 23 §§ 10-12)
Wahayumbe onthumbi mounongo vove, hamwe otyetyi wamwene-mwene. (Omih. 14:12)
Wahatehelele ava vehetavela etyi eongano lya Siovaa lipopia. (Omih. 14:7)
SOKA KWEETYI: Ovakulu vomawaneno hatyiwa mukale tyafwapo mukwame etyi mupopilwa, amuyumbu onthumbi mu Siovaa tyina mwamauhulukilwa novihuna? — Omutala Womulavi 7/2024 pefo 5 § 11.
2. Olumono Lwa Huku
(10 min.)
Omih. 14:17 — Omovipuka patyi “una usoka nawa” ayalwa? (Omutala Womulavi 15/7/2005 pefo 19 §§ 5-6)
Etyi watanga Ombimbiliya osimanu ino, oityi wahumba uhanda okutupopila?
3. Okutanga Ombimbiliya
(4 min.) Omih. 14:1-21 (Okulongesa-11)
4. Pokuhimbika Etompho
(3 min.) OKWIVISA APA PAKWATA OVANTHU. Popila omunthu tyimwe tyili m’Ombimbiliya wekuti walinga otyiho mokonda yoluhepo. (Humba Ovanthu, elongeso 3 ponthele 3)
5. Pokukondoka-ko
(4 min.) UMBO NA UMBO. Avela omunthu omukanda upopia tyimwe ankho esuka natyo monthiki mwahulila-ko okutomphola. (Humba Ovanthu, elongeso 9 ponthele 4)
6. Pokulongesa Omunthu Alinge Omulongwa
(5 min.) Avela ondundo omulongwa wove atange Ombimbiliya ononthiki ambuho, mulekesa oñgeni apondola okulinga etyi apanga. (Okulongesa-19)
Otyiimbo 126
7. Apeho Kala Tyamaneka Mokonda Yovihuna
(15 min.) Elongomona otyo upula.
Lilingwa nomukulu wewaneno. Ine ombetele ina etyi yapopia, novakulu vewaneno vena etyi velipakelamo ñgeno upopia, natyo tyipopia.
Mokonda ononthiki mbuno tuli “ononthiki mbahulilila,” ovitateka maviliyawisa unene. (2 Tim. 3:1) Tyina pamatumbuka ovihuna, ovanthu va Huku vapopilwa umwe momuvo watyo etyi vena okulinga vahupe. Okuhupa kwetu, kutei kokutavela pehepano, mokulifwiika tyilinge moupanga wetu na Huku, nokulongela evi haa matusuku navio. — Omih. 14:6, 8.
Pameka oupanga wove na Huku: Linga ovipuka vipameka oupanga wove na Siovaa. Lilongesa okwivisa apeho. Ine pomphangu uli kapetavela okulimona na vakwenyi vomewaneno, wahahangayale. (Omih. 14:30) Mokonda kwiike-ko, Siovaa na Sesusi veli ponthele yove. — Vaonganekwa Valinge Ovilinga Vya Siovaa pefo 176 §§ 15-17.
Longela ovipuka vimwe: Longelei okulia, nomaande, novihemba, novipuka ovikwavo mamusuku navio. Longelei umwe evi mamusukisa, mokonda omunthu wii oku atunda, oku enda nako kekwii. — Omih. 22:3; Despertai! N.º5 2017 pefo 4.
Hikisa OVINDIU yati: Oñgeni Upondola Okulipongiya Tyina Nkhele Uhenemonekelwe Noviponga? Pahe opulu okuti:
Oityi Siovaa alinga etukwateseko tyina tuli movihuna?
Ovipuka patyi tuna okulinga tukale tyamaneka?
Oityi tupondola okulinga tukwateseko ava vatumbukilwa novihuna?
8. Elilongeso Li’Ombimbiliya Mewaneno
(30 min.) Omukanda Ava Oumbangi, okapitulu 26 opalangalafu 18-22, nokakasa pefo 239.