Mouye Mukahi Nokuhepa Okulia, Otyo tyituka Kovilwa Nouye Uti Vala Autende Autokota Unene — Oityi Ombimbiliya ipopia?

Ovilwa vio-ko Ucrânia nouye uti vala autende unene autokota unene, tyikahi nokulingisisa ovilongo ovinyingi okwahakala novikulia vapola kovilongo ovikwavo. Mokonda yotyo, ovanthu ovanyingi pahe vekahi nokumona ononkhumbi mokonda yokulia kwahamoneka.

• “Tyati umwe ovanthu ovanyingi kavena vali nokutyivila okulima, oku tupu ovatumini vamwe kavena vali nokutyivila okukalanda ovikulia kovilongo ovikwavo mokonda yovilwa, nouye uti vala autende unene autokota unene, nolusi lulanda onombongo ononyingi novipuka ovikwavo vali.” — O António Guterres omutumini wo ONU wetyipopia mu 17 ya julho yo 2023.

• “Ovanthu vokwatanga unene vapopia okuti, mokonda o Rússia yatunda momphango yalingile novilongo ovikwavo pala okulandesa ovilia kovilongo ovikwavo, ovilongo ovinyingi mavihepe okulia, mokonda okulia makulande onombongo ononyingi, haunene kovilongo vimwe vyo África novio ko Ásia.” —Atalayar.com, 23 ya Julho yo 2023.

Tala etyi Ombimbiliya ipopia tyayemba kokulia kwahamoneka

Ombimbiliya yapopile okuti okulia kamakumoneka

• Sesusi wapopia okuti: “Otyilongo matyikalwisa otyilongo otyikwavo, omauhamba maakalwisa omauhamba, okulia makukahepa.” — Mateusi 24:7.

• Momukanda Eholololo, mwapopiwa ononkhambe ononkhwana mbuna etyi mbulekesa. Imwe pononkhambe ombo ilekesa ovilwa. Onkhambe oyo yokulekesa ovilwa yakwamwa nonkhambe onkhwavo ilekesa ondyala. Otyipuka otyo, tyilekesa okuti okulia ankho makulande onombongo ononyingi. “Nkhati ñgaa, onkhambe onthikovei, tala! waendela-ko una otyipeyalo peke. Andyiivi otyipuka tyilinga ngondaka. . . aiivala okuti, ‘Okilu ike yotiliku opo omunthu eilande una okuundapa onthiki aiho! Onokilu ononthatu mbosevata nambo opo omunthu embulande una okuundapa onthiki aiho.’” — Eholololo 6:5, 6, Ombimbiliya itiwa Versão em inglês contemporâneo.

Ovipuka ovio Ombimbiliya yapopile vina nokufwiswapo momuvo uno, Ombimbiliya iihana okuti “ononthiki mbahulilila.” (2 Timotiu 3:1) Opo unoñgonoke vali oityi tyitiwa “ononthiki mbahulila,” neetyi tyayemba kononkhambe mbapopiwa momukanda Eholololo, tala ovindiu yati: Ouye Wapiluluka Unene Tunde mo 1914 tupu tanga onthele yati: “Ovalie Vavelama Kononkhambe Ononkhuana?”

Oityi tutila Ombimbiliya ipondola okukukwatesako

• M’ombimbiliya muna onondongwa mbukahi nawa mbupondola okukukwatesako tyina ovipuka vialema, ngeetyi umwe okulia kwahamoneka kulanda onombongo ononyingi. Tanga vimwe viapopiwa monthele yati: “Como viver com menos dinheiro?”

• Ombimbiliya tupu ipopia ovipuka vimwe vitukalesa nonthumbi yokuti ovipuka komutwe oku mavikakala nawa. Yapopia okuti “Kombanda yeheke makukakala ovilia ovinyingi” ya ovanthu aveho mavakala nokulia okunyingi. (Oviimbo 72:16) Opo mwene noove ulitaleleko umwe etyi Ombimbiliya yapopia otyiyumbu onthumbi, tanga onthele yati: “Uma esperança real de um futuro melhor.”