Opo Wahaliwe Nounye Kwatesako Vakwenyi — Oityi Ombimbiliya Ipopia

Ovanthu aveho mouye valiwa nounye, avahande vala okukala aveke. Ovanongo vokuhakula vapopia okuti tyina omunthu akwatesako vakwavo kaliwa nounye.

• “Okukwatesako vana vesukisa okukwateswako tyitukalesa nehambu, atyitukwatesako okwahaliwa nounye atuhande vala okukala atwike.” — Instituto Nacional de Saúde de Estados Unidos.

Ombimbiliya ipopia ovipuka vimwe tuna okulinga tutyivile okukwatesako vakwetu. Okulinga etyi ipopia tyipondola okukukwatesako ohaliwa nounye.

Oityi una okulinga?

Kala notyali. Ovola omuvo wokukala kumwe na vakwenyi. Kwatesako vakwenyi novipuka unavio. Okulinga ngootyo vakwenyi mavekupandula, ya mupondola amulingila-po umwe omapanga.

• Onondunge mb’Ombimbiliya: “Lingei ovanthu votyali, noonwe mulingwe otyali.” — Luka 6:38.

Lingila-ko vakwenyi ovipuka. Ovola okukwatesako ovanthu vana vekahi nokulambela movitateka. Otyo okuti, una okuvetehelela nawa, nokuvelingila-ko ovipuka ankho ñgeno vena okulinga opo utepulule komulemo wavo.

• Onondunge mb’Ombimbiliya: “Epanga liotyotyili, oyou ukukwatesako apeho.” — Omihe 17:17. Ombimbiliya itiwa Contemporary English Version.

Opo unoñgonoke vali ovipuka ovikwavo una okulinga mulivile nawa na vakwenyi, tanga onthele yati: “Omuenyo Mombunga Nomapanga.”