Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • g18 No. 2 p. 6
  • 3 Onthilo

Naike ovindiu iyeemba ku otyo

Tala mukwe pena etyi tyahaendele movindiu

  • 3 Onthilo
  • Pahukei!—2018
  • Onthele-kati
  • Tyelifwa
  • OTYO OTYITYI?
  • OITYI OTYIPUKA OTYO TYESUKISILA?
  • OITYI UPONDOLA OKULINGA?
  • Ovipuka Ulinga Mono Telefone Nomo Tambeleti Nomo Komputatole Vikalesa Ñgeni Otyinepo Tyove?
    Pahukei!—2021
  • 1 Wahasoke Okuyekapo Mukwenyi
    Pahukei!—2018
  • “Otyinepo Tyihumbwe”
    ‘Tualako Okukala Mohole ya Huku’
Pahukei!—2018
g18 No. 2 p. 6
Ovalinepi veli nokutunga

Onondaka mbuya nonthilo mbafwa onthata yokutunga, mbuhonyeka ovanthu vokuelinepa avelikwate-po

VOKUELINEPA

3 Onthilo

OTYO OTYITYI?

Tyina ovalinepi velilinga onthilo, velitekula nawa, na tyina umwe vehelivilile mu tyimwe. Omukanda umwe upopia otyinepo wati: “Tyina meumbo tulinga mukuetu onthilo katumukuluminya vala etavele etyi muene tuasoka. . . . Vokulilinga onthilo vatomphola umwe nawa vatale etyi vapondola okulinga matyivehambukiswa umwe aveho.”

ONONDUNGE MBO MBIMBILIYA: ‘Wokuhole ­vakuavo kaovola vala ouwa wae.’ — 1 Ova Kolindu 13:4, 5.

“Ame mokonda ndyina onthilo nomukai wange, apeho ndyimupopila okuti ndyimuhole, ndyilityilika okulinga otyipuka tyipondola okumunumanesa atyinyono otyinepo tyetu.” — Micah.

OITYI OTYIPUKA OTYO TYESUKISILA?

Tyina vokuelinepa vehelilingi onthilo, tyimoneka liwa mokonda tyina vatomphola, tyati umwe ovo velipopia omapita, ovo velileva vala. Ovanthu vokulitekula ngotyo kavaende-ale kokule veliyapuka vala.

“Ine upopia omapita omukai vove, hamwe omupopi ovipuka vimuihama, kamakala nawa, kamekuyumbu vali onthumbi. Katutu-katutu otyipuka otyo matyiyono otyinepo tyenyi.” — Brian.

OITYI UPONDOLA OKULINGA?

LITALA NAWA OVE MUENE

Tala nawa ovipuka upopia nevi ulinga. Tyilinga ­osimanu, pahe olipulu okuti:

  • ‘Tuñga-pi napandula mukuetu etyi andingila? Tuñga-pi nemupopia tyimwe tyemuihama?’

  • ‘Oityi nalinga, nae etyimono-vo okuti ndyina onthilo nae?’

TOMPHOLEI OMAPULO AA NA MUKWENYI

  • Pula mukwenyi okuti: Oityi ndyipondola okulinga utie umwe ndyikulinga onthilo?

  • Ovipuka patyi ndyihole okulinga vikunumanesa, utala umwe ñgaa ngoti ndyitupu-ale onthilo no ove?

LINGEI NGETYI

  • Honeka ovipuka vitatu ove wahanda mukwenyi alinge, utie umwe ukulinga onthilo. Nae ahoneke, amulitambeka omikanda, pahe amulikuatehila mulinge etyi mukwenyi ahoneka.

  • Honeka ovipuka uhole unene ku mukwenyi. Nga wahoneka pahe omupopila-vyo.

“Ku ame okulinga onthilo omulume wange, okulinga ovipuka vilekesa okuti ndyimuhole, ndyihanda ahambukwe. Katyesukisile-ale okulinga ovipuka ovinene, o movipuka ovitutu vala mukuetu mamono okuti tuna onthilo nae.” — Megan.

Tyili apa, hatyetyi ove muene ulitala, ine una onthilo na mukwenyi ine utupu. Mahi tyahandwa apa okuti, mukwenyi una okutyinoñgonoka okuti umulinga onthilo.

ONONDUNGE MBO MBIMBILIYA: “Livalekei ­okankhenda, nouwa-tima, nomutima weliola, noumphua-lundo.” — Ova Kolosu 3:12.

    Nyaneka Publications (1998-2025)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma