Ekongoko
Ombimbiliya hamukanda upopia konthele yovihemba. No ngotyo, itukuatesako okukala nekongoko ewa. Tala onondonga mbumwe mbo Mbimbiliya.
YUNGA NAWA OLUTU LUOVE
ONONDONGA MBO MBIMBILIYA: “Kutupu omunthu uyele olutu lwae muene, mahi ulutekula nokululinga nawa, ngetyi Kilisitu alinga ewaneno.”— Ova Efesu 5:29.
OTYO TYIHANGUNUNA-TYI: Onondonga ombo mbo Mbimbiliya mbutukuatesako okuyunga nawa olutu luetu. Eovololo limwe lialekesa okuti ovitateka vimwe viekongoko, vimoneka mokonda yonkhalelo tutyinda omuenyo. Moluotyo, okulinga etokolo likahi nawa matyikukuatesako iya okala nomuenyo ukahi nawa.
OITYI UNA OKULINGA:
Liaa ovikulia vikongokesa. Liaa ovikulia vikongokesa iya nokunwa omaande omanyingi.
Linana monongolo. Aloo umwe inkha wakulupa, linana monongolo mokonda okulinga ngotyo, tyilinga nawa ekongoko, aloo umwe inkha una otyitateka tyekongoko ine ouvela uhaveluka. Ombunga yove, nomapanga vapondola okukukuatesako okulinana apeho monongolo, mahi okutyilinga apeho tyitei kuove!
Lala ehimbwe. Okukala ovinthiki ovinyingi tyahalala nawa, tyipondola okueta ovitateka viekongoko. Ovanthu ovanyingi kavalala ehimbwe mokonda yonkhalelo vanthinda omuenyo. Mahi, tyina ove uholovona okulala ehimbwe, ngotyo ukahi nokuholovona omuenyo una ekongoko likahi nawa.
LITYILIKA OVITUWA VINYONA
ONONDONGA MBO MBIMBILIYA: “Tulisukulei onkhako aiho mohitu no momalusoke.” — 2 Ova Kolindu 7:1.
OTYO TYIHAGUNUNA-TYI: Omuenyo wetu maukala vala nawa inkha katulingi ovipuka vinyona olutu wetu, ngetyi okusipa, otyituwa tyimwe tyikahi nokueta omauvela atuala kononkhia.
OITYI OVE UNA OKULINGA: Holovona onthiki uhanda okuyekapo okusipa iya oihoneka momukanda umwe. Tyina onthiki oyo yamehikipo, yumbahi omakaya novikafolo undapesa pala okusipa ine ovipuka ovikuavo vikulingisisa. Lityilika okuenda ponomphangu pena ovanthu vasipa. Popila ombunga yove nomapanga okuti wayekapo okusipa opo vekukuateseko.
ONONDONGA ONONKHUAVO MBO MBIMBILIYA
Upondola okuita Ombimbiliya Kombangi ya Siovaa potyilongo ukala.
LINGA OVIPUKA MONHKALELO YAPAMA.
“Tyina utunga ondyuo, kombanda yatyo una okutungako vali otyimato tyiti monthulo, opo una uli kombanda yatyo ahatoke, iya okala nonkhali yohonde mokonda yondyuo yove.”— DEUTERONÔMIO 22:8.
LITYILIKA ONYENGO.
“Olie uhanumana liwa una onondunge, mahi una uhapwile-elundo ulekesa okuti otyova.”— PROVÉRBIOS 14:29.
UHALIE UNENE.
“Uhakale pokati . . . ka vana valia unene.”— PROVÉRBIOS 23:20.