Ove Upondola Okukala Omunongo
“Ovihonekwa aviho viahonekwa kononkhono mba Huku.” (2 Timotiu 3:16) Mo velesikulu ei onondaka, “viahonekwa kononkhono mba Huku” mbulekesa okuti Omutungi wetu Oe wapaka omalusoke ae mo vahoneki Vombimbiliya.
Huku Utukonga Tupole Ouwa Kounongo wae
“Ame, Siovaa, . . . Una ukulongesa opo upoleko ouwa, Una ukuhongolela mondyila una okuendela. Inkha wetavelele tyilityili ovitumino viange! Ñgeno ombembwa yove yakala ngenyana, iya ouviuki wove ngomakufikufi elunga.” — ISAÍAS 48:17, 18.
Tala onondaka ombu ngatyina Huku ove ekahi nokumbupopila. Huku uhanda ukale nombembwa nehambu pala apeho iya upondola okukuatesako okuvivasa.
Ove Upondola Okukala Nounongo wa Huku
“Onondaka onongwa mbuna okuiviswa tete movanthu vomalongo aeho.” — MALUKU 13:10.
‘Monondaka onongwa’ muakutikinya omulao wa Siovaa wokuya okumanako ononkhumbi, nohi okukala omphangu yombembwa, nokukatutilisa vetu vokuankhia. Onombangi mba Siovaa vekahi nokuivisa ovipuka ovio mouye auho.