OVIPUKA VIALIA OKALU— MOLINGI ÑGENI?
Tyitavela Vala
Tyina ovipuka vili nokutena oku tupu kombongo ufetwa otyo kuyawiswa, upondola okuhesuku, mahi tyina ovipuka vili nokutena, kombongo ufetwa otyo kwahayawiswa-le, opo pahe matyikunumanesa, matyikulingisa otyiho, haunene ankho ovanthu meumbo vetei kwoove.
Tyina ovipuka vilonda vala tutupu-ale etyi tupondola okulinga viahalonde vali. Mahi matyitukwatesako, okutavela okuti ovipuka otyo vienda-le ngootyo, otyo ouye watyo mwene.
OMOKONDA YATYI TYESUKISILA
Tala vala etyi tyikala omunthu wokutyii okuti tyina ovipuka vilonda otyo ouye watyo mwene . . .
kalingi otyiho. Tyina twatula omutima tusoka nawa, atulingi ovipuka nonondunge.
kalingi ovipuka nouhima. Omunthu omuhima oyou uhasoko kombongo ena, unyana vala nambo, otyo alanda novipuka ehesukisa-le.
kayayesa vo meumbo mokonda yonombongo.
tyina ovipuka viatena, usoka nawa kovipuka viesukisa vali malande, kanyane nonombongo.
ETYI UPONDOLA OKULINGA
Tyitavela vala. Tyina ovipuka vili nokutena, hahe usoke ovipi wahamalanda-landa vali, ovipi molanda-landa. Ovanthu vamwe pokulanda ovipuka valinga ngomunthu wehetyivili okuyoa uliyumba meiva! Pahe mokonda ovipuka vialonda kavevivili okuvilanda vakalela vala okunumana! Ine ove utekula vo meumbo, etyi tyovipuka vili nokulia okalu, tyipondola okukulingisa otyiho. Mahi wahalimbweko okuti: Otyipuka otyinene vo meumbo liove vesukisa, ove okuvelinga olwembia, nokukala navo, nokusuka navo.
Tyokulilandela ovipuka otyo wehena apa wakwatelela tyafwa omunthu wehetyivili okuyoa, mahi eliyumbu meiva.