Onondaka Onongwa Ombupi?

1. Ombupi Onondaka Onongwa mba Huku?

Huku uhanda ovanthu vakale nomuenyo omuwa kombanda yoohi. Oe watunga oohi novipuka aviho vikahiko, mokonda uhole ovanthu. Apa katutu, makaavela ovanthu omuenyo omuwa kombanda yoohi aiho. Makayovola ovanthu movipuka aviho viveetela ononkhumbi.​—Tanga Jeremias 29:11.

Kutupu outumini nawike wetyivila okumanako oungangala, nomauvela, no nonkhia. Mahi kuna onondaka onongwa. Apa katutu, Huku makahanyako omautumini aeho ovanthu, apingiyako ouhamba wae. Iya ovanthu vae mouhamba oo, mavakakala nombembwa nekongoko.​—Tanga Isaías 25:8; 33:24; Daniel 2:44.

2. Omokonda yatyi onondaka onongwa mbalumbanesila?

Ononkhumbi mambukapwa vala tyina Huku amahanyeko onondingavivi kombanda yoohi. (Sofonias 2:3) Otyo meketyilinga nalupi? Ondaka ya Huku yapopia kohale ononkhumbi ovanthu vekahi nokumona hono. Ovipuka ovivi vikahi nokumoneka hono, vilekesa okuti omuvo wa Huku wokuvimanako, ukahi popepi.​—Tanga 2 Timóteo 3:1-5.

3. Oityi tuesukisa okulinga?

Tuesukisa okulilongesa konthele ya Huku, Mondaka yae Ombimbiliya. Ikahi ngo mukanda watunda ku tate wokuna oluembia. Itupopila oñgeni tupondola okukala nomuenyo omuwa pahetyino, nomuenyo uhapu komutwe kombanda yoohi. Tyotyili, vamwe tyipondola kavahande ove ukuatesueko okunoñgonoka Ombimbiliya. Mahi, omuenyo ukahi komutwe omuwa unene, tuhayekei nawike etupumbiswe okukeumona.​—Tanga Provérbios 29:25; Revelação [Apocalipse] 14:6, 7.