Pala Vana Maveya Motyonge

VOKULEKESA OVANTHU POVIPUNDI Vokulekesa ovanthu povipundi vapewa otyilinga otyo opo vekukwateseko. Mbambavo tavela etyi vekupopila, ngetyi opo nomphangu patalamena omatuku-tuku, na apa una okukuata, na apa muna okupumphama, novikuavo vali.

OMBATISIMU Vana mavambatisalwa vena okupumphama povipundi vapakelwa, tyina nkhele elongomona liombatisimu liehenehimbike. Wesukisa okutyinda etuaya nomuvalo ukahi nawa, wahamonekela pala okumbatisalwa mo Tyasapalo komuhuka.

OVIAWA Palingwa ovilinga ovinene, pala okulanda onomakina mbokuhikisa, novikwavo vali opo ovanthu veya motyonge vatehelele nawa, atyivekwatesako okukala omapanga a Siovaa. Ine una etyi wahanda okuava upondola okupaka movikasa vili omu muli nokulingilwa otyonge. Tupu upondola okulingila oviawa viove mo site donate.jw.org. Oviawa viove vipandulwa unene. Ononkhalamutwe mbo Nombangi mba Siovaa vapandula unene oviawa ulinga opo ukuateseko ovilinga Viouhamba.

OKUKWATESAKO OVANTHU Hinangela okuti oseketa oyo ikuatesako vala vana vatumbukilwa nouvela motyonge.

OVIPUKA VIAVOMBA NA VINA VIAKOYUA Ovipuka aviho viakoyua vina okutualwa ko Seketa oyo. Inkha wavombesa otyipuka tyimwe, enda koseketa oyo opo ukaimbuke otyipuka tyove. Ovana vavomba ko vohe, tyesukisa okuvetuala koseketa oyo. Mahi, oseketa oyo hayokulela ovana. Mbambavo, yungei nawa ovana venyi. Vakale ponthele yenyi omuvo auho.

OVIPUNDI Linga onthilo vakuenyi. Hinangela okuti tyitavela okupakela vala ovipundi vana ukala navo, na vana waeenda navo metuku-tuku liove na vana ulongesa Ombimbiliya. Wahapake ovipuka viove kombanda yovipundi inkha hapoko mopumphama.

VOKULIAVA MOVILINGA VIOTYONGE Ine noove wahanda okuundapa movilinga viotyonge, enda vala Koseketa yo Vokueliava Movilinga Viotyonge, opo ukapewe ovilinga.