Pala Vana Maveya Motyonge

VOKULEKESA OVANTHU POVIPUNDI Vokulekesa ovanthu povipundi vapewa otyilinga otyo opo vekukwateseko. Weheveanye mbaa, tavela etyi vekupopila, pokukulekesa apa patalamena omatuku-tuku, na apa una okukwata, na apa una okupumphama, novikwavo vali.

OMBATISIMU Vana mavambatisalwa vena okupumphama povipundi vapakelwa tyina nkhele elongomona liombatisimu liehenehimbike. Wesukisa okutyinda etwaya nomuvalo ukahi nawa, wahamonekela, umbatisalwe mo Tyasapalo komuhuka.

OVIAWA Palingwa ovilinga ovinene pala okulanda onomakina mbokuhikisa, novikwavo vali opo ovanthu veya motyonge vatehelele nawa, atyivekwatesako okukala omapanga a Siovaa. Ine una etyi wahanda okwaava, upondola okutyipaka movikasa vili omu muli nokulingilwa otyonge. Tupu upondola okulingila oviawa viove mo site donate.jw.org. Oviawa viove vipandulwa unene. Ononkhalamutwe Mb’Onombangi mba Siovaa vapandula unene otyali una-tyo ukwateseko ovilinga Viouhamba.

OKUKWATESAKO VOKWEHELIIVITE NAWA Hinangela okuti oseketa oyo ikwatesako vala vana vatumbukilwa nouvela motyonge.

VIOKWAVOMBA NO VIOKWAKOYWA Ovipuka aviho viakoywa vina okutwalwa ko Vokwanakwa vakwata ovipuka ovio, Voseketa yo Viokwavomba no Viokwakoywa. Ine una etyi wavombesa, enda koseketa oyo ukaimbuke-ko hamwe no tyove okotyili. Ovana vavomba ko vohe, tyesukisa okuvetwala koseketa oyo. Mahi, oseketa oyo ha yokulela ovana. Ovana venyi veyungei-vo nawa mbaa, mweheveyekei, kalei navo ponthele yenyi.

OVIPUNDI Linga onthilo vakwenyi. Upondola okupaka ovipuka viove kovipundi makupumphama ava ukala navo, na vana waenda navo metuku-tuku liove, na vana ulongesa Ombimbiliya. Wahapake ovipuka viove no kovipundi wahamapumphama-le.

VOKULIAVA MOVILINGA VIOTYONGE Ine noove wahanda okuundapa movilinga viotyonge, enda vala Koseketa yo Vokuliava Movilinga Viotyonge, ukapewe ovilinga.

Tyaonganekwa N’Ononkhalamutwe Mb’Onombangi mba Siovaa