Popia Etyi Tyiivala

Oityi Sesusi Alingile?

OVINDIU: Omuhe wa Sesusi, Tate Yetu Usuka Noonthwe

1. Tala OVINDIU, okuti hatyo, tanga Mateusi 6:25-27. Pahe haa osoko komapulo aa:

1. Omuhe patyi Sesusi apopile ulekesa okuti Siovaa usuka noonthwe?

2. Namphila ei ovipuka ovinyingi oviila vilinga, mahi okutyi ayembele vala? Oityi tutila otyiwa okulinga ngootyo pokulongesa?

Oityi Tulilongesila ku Sesusi?

2. Tyina pokulongesa tupopia evi viivala umwe nawa, evi tupopia vikala komitima viovanthu, avehevilimbwa.

Hetekela Sesusi

3. Wahapopie unene. Wahapopie atyiho wii tyiyemba kweetyi muli nokutomphola, pola-po vala etyi tyili pomukanda mukahi nokulilongesa. Tyina wamapulu otyipuka, pwa umwe elundo okevelela atee omulongwa akumbulula. Ine ketyilwete etyi mapopi, hamwe tupu apopi etyi tyehelikwatele neetyi Ombimbiliya ipopia, soka vali kepulo ekwavo upondola okulinga malimukwatesako. Tyina omulongwa ametyinoñgonoka, amulambe-po.

4. Kwatesako omulongwa wove okutala oñgeni etyi muli nokulilongesa tyilii neetyi mwelilongesile-ale. Ine mamupopi etutilo, ove nkhele upondola okumupula oityi ngwe ei tyiyemba kwaava vokwanyima.

5. Tyina una etyi wahanda okweeleka natyo etyi muli nokulilongesa, soka nawa. Tyina wehenepopie nkhele lipula ñgaa::

1. ‘Okuti omuhe mandyipopi wiivala umwe nawa?’

2. ‘Okuti omulongwa metyinoñgonoka liwa?’

3. ‘Omuhe ou maukwatesako omulongwa ahalimbwe etyi tuli nokulilongesa, ine omuhe watyo vala ahamalimbwa?’’