Makuya Ononthiki Onongwa Komutwe!

“Apa katutu ondingavivi kamaikakalako vali . . . Mahi, ovatendi mavakapiñgana oohi, iya avakakala nombembwa onene.”—SALMO 37:10, 11.

OKUTI ove uhanda okutala etyi eulo olio malifuisuapo? Tyotyili ove uhanda. Pena omahunga apama opo utavele okuti apa katutu malifuisuapo.

Ononthele mbo konyima mbapopia omaulo amwe Ombimbiliya alekesa nawa okuti tukahi “kononthiki mbahulililako.” (2 Timóteo 3:1-5) Huku watumine ovahoneki Vombimbiliya vapopie omaulo opo tukale nekevelelo. (Romanos 15:4) Omaulo oo ekahi nokufuisuapo alekesa okuti ovitateka tuna hono apa katutu mavikapuako.

Oityi matyilandula kononthiki mbahulililako? Ouhamba wa Huku maukatumina ovanthu aveho. (Mateus 6:9) Tala etyi Ombimbiliya ipopia oñgeni ohi maikakala pomuwo opo:

● Kamakukakala vali ondyala. “Makukakala ovilia ovinyingi kombanda yoohi. Alo umwe kononthongo-nthongo mbo nomphunda makukakala okulia okunyingi.”—Salmo 72:16.

● Kamakukakala vali omauvela. “Nawike omunthu kombanda yoohi makati: ‘Ame ndyivela.’”—Isaías 33:24.

● Oohi maikakala omphe. “Ehoko, noohi yakukuta mavikahambukwa, otyipembe matyikeliyolela mokonda mamukatema ononthemo.”—Isaías 35:1.

Aa omaulo amwe vala Ombimbiliya maafuisuapo apa katutu. Omokonda yatyi uhapulila Onombangi mba Jeova vekulekese omokonda yatyi vena onthumbi yokuti makuya ononthiki onongwa komutwe wandyila?