OMAPULO OMBIMBILIYA AKUMBULULWA

Oñgeni upondola okukala nehambu motyinepo?

Elondolo Liombimbiliya liokukala nehambu motyinepo likuatesako mokonda liatunda ku Jeova Huku, Wahinda otyinepo. Ombimbiliya itulongesa okukala novituwa vitukalesa nehambu motyinepo, nokutulondola konthele yovituwa vipondola okunyona otyinepo. Tupu itulongesa okuti okutomphola nounongo tyiyawisa ehambu motyinepo.—Tanga Colossenses 3:8-10, 12-14.

Omulume nomukai vesukisa okulihumba nokukala nonthilo kese umwe na mukuavo. Tyina aveho vetavela ovilinga Huku eveavela motyinepo, mavakala nehambu.—Tanga Colossenses 3:18, 19.

Oityi tyikuatesako otyinepo okutualako?

Ovalinepi mavatualako vala okukala kumwe inkha vakala nohole kese umwe namukuavo. Huku utulongesa oñgeni tuna okukala nohole. Oe, Nomona wae, Jesus, vaava ongeleka yafuapo yohole yotyotyili.—Tanga 1 João 4:7, 8, 19.

Tyina ovalume novakai vatala otyinepo ngatyina tyaetuako na Huku, mavatualako okukala kumwe. Huku waetako otyinepo opo omulume nomukai vokuelinepa, vatualeko okukala kumwe apeho opo onombunga mbukale mbapama. Tyitavela ovanthu vokuelinepa vatualeko apeho mokonda Huku waavela omulume nomukai ounongo opo velikuateseko movipuka aviho. Tupu wevelinga otyifuika tyae, nounongo wokuhetekela ohole yae.—Tanga Gênesis 1:27; 2:18, 24.