Yakulila Otyinepo Tyove

Ku Siovaa etyi ovalinepi vapopia tyina velinepa tyakolela unene. Wati, omulume nomukai vena okutualako okukala kumwe. (Mat. 19:5, 6) Povanthu va Huku pena ovalinepi ovanyingi vena ehambu motyinepo tyavo. Mahi, ovalinepi aveho vapengesa. Ngotyo, pamwe vapondola okukala novitateka. Tyina pamamoneka ovitateka katupondola okukala nomalusoke ovanthu vomouye okuti, ngotyo vena okuliyapuka ine okulihenga. Oñgeni Ovakilisitau vapondola okuyakulila ovinepo viavo?

Tala ovipuka vitano vipondola okukuatesako ovalinepi.

1. Yakulila omutima wove, mokulityilika ovipuka ovivi, ngetyi okupeleya omunthu wehelinepele nae, novitalukiso viasila mokonda vipondola okunyona otyinepo tyove. — Mat. 5:28; 2 Pet. 2:14.

2. Pameka oupanga wove na Huku, iya oyawisa kesuko una liokumuhambukiswa motyinepo tyove. — Sal. 97:10.

3. Tualako okulivaleka ontheto omphe, iya olingila ovipuka vimwe oviwa ou welinepa nae, alo umwe ovitutu. — Kolo. 3:8-10, 12-14.

4. Tualako okukala nonthilo nou muelinepa nae, iya linga ononkhono mbokutomphola nawa nae. — Kolo. 4:6.

5. Kala noluembia nou muelinepa nae, omuavela etyi tyemutokala. — 1 Kol. 7:3, 4; 10:24.

Tyina ovalinepi vakala nonthilo notyinepo, vankhimaneka Siovaa una wetyihinda.

HIKISA OVIDIU YATI: TUNA “OKUHATEKA TYIKOLELEYA” — TAVELA ONONDONGA MBO VALONGESI, IYA KONYIMA AMUKUMBULULA OMAPULO AA:

• 

  Namphila otyinepo tyipondola okuhimbika nawa, mahi ovitateka patyi vipondola okumoneka-po?

• 

  Oñgeni onondongwa mbo Mbimbiliya mbupondola okukuatesako vana velitehelela okuti kavelihole vali nou velinepa nae?

• 

  Ovitumino patyi Siovaa apaka-ko pala ovalinepi?

• Opo otyinepo tyikale nehambu, oityi ovalinepi aveho vesukisa okulinga?