OMAPULO OMBIMBILIYA AKUMBULULWA
Olie maende keulu, iya omokonda yatyi?
Ovanthu ovanyingi vahanda okukakala keulu. Jesus wapopile okuti ono apostolu mbae mbekolelo mambukakala keulu. Etyi nkhele ehenenkhie, walaele okuti mekevepongiyila omphangu ku Tate yae keulu.—Tanga João 14:2.
Omokonda yatyi ovanthu vakala pano pohi mavatutiliswa opo vaye keulu? Oityi mavakalinga ko? Jesus wapopilile ono apostolu mbae okuti mavakakala onohamba. Mavakatumina ohi.—Tanga Lucas 22:28-30; Revelação 5:10.
Okuti ovanthu aveho onondalawa mavaende keulu?
Movilongo ovinyingi muna vala ovatumini vehehi. Mokonda Jesus ututilisa ovanthu vakakale keulu opo vatumine ohi, tyilekesa okuti ovanthu ovo vaholovonwa kavehi. (Lucas 12:32) Ombimbiliya yayandyulula nawa veñgapi mavakatumina na Jesus.—Tanga Revelação 14:1.
Jesus wapongiya omphangu keulu pala vamwe povalongwa vae. Utyii oityi mavakalinga ko?
Ondyambi kamaikapewa vala vana mavaende keulu. Ovanthu vekolelo mavakatuminwa Nouhamba wa Jesus, mavakakala nomuenyo wahapu momphangu yombembwa pano pohi. (João 3:16) Vamwe mavakahupa kehanyauno liouye uno wovivi, avanyingila Momphangu Yombembwa. Ovakuavo mavakatutiliswa.—Tanga Salmo 37:29; João 5:28, 29.