Omapulo Ombimbiliya Akumbululwa
Olie tyilityili utumina ouye?
Inkha Huku oe ukahi nokutumina ovanthu okuti ñgeno mouye mueyula ononkhumbi?
Ovanthu ovanyingi vetavela okuti Huku yotyotyili oe ukahi nokutumina ouye. Mahi inkha otyo otyili, okuti ñgeno mouye mueyula ononkhumbi? (Deuteronômio 32:4, 5) Ombimbiliya ipopia okuti ouye utuminwa nondingavivi.—Tanga 1 João 5:19.
Oñgeni ondingavivi ipondola okutumina ovanthu? Ponthyimbi yovanthu, oandyu imwe omphuki yatyitukilapo Huku aihongiliya ovanthu votete navo tupu avemutyitukilapo. (Gênesis 3:1-6) Ovalinepi ovo vaholovona okutavela oandyu omphuki, Satanasi, avayeke akale omutumini wavo. Huku Wepondolo aliho, oe vala watokala Okutumina, mahi uhanda ovanthu vaholovone outumini wae mokonda uvehole. (Deuteronômio 6:6; 30:16, 19) Tyinumanesa okutala ovanthu ovanyingi valinga omatokolo omavi ngetyi tyalingile ovalinepi votete.—Tanga Revelação 12:9.
Olie makatetulula ovitateka viovanthu?
Okuti Huku mayeke Satanasi atualeko okutumina? Au! Huku matumu Jesus opo amaneko ovivi viaetuako na Satanasi.—Tanga 1 João 3:8.
Nepondolo lia Huku, Jesus makahanyako Satanasi. (Romanos 16:20) Ngotyo, Huku makatumina ovanthu nokuvepaka momphangu yehambu nombembwa ngetyi ahandele ponthyimbi.—Tanga Revelação 21:3-5.