Omapulo Ombimbiliya Akumbululwa
Oityi tyikuatesako he ine o ina okutekula nawa ovana vae?
Okuti ove ulongesa omona wove okukala nohole na huku?
Tyina ovo he vena oluembia, nonthilo kese umwe na mukuavo, ovana vavo vekulila mombunga ikahi nawa. (Colossenses 3:14, 19) Ovo he vekahi nawa, vena oluembia novana vavo, vevepanda ngetyi Jeova Huku apandele Omona wae.—Tanga Mateus 3:17.
Tate yetu keulu, utehelela ovaumbili vae, nokutala nawa oñgeni velitehelela. Ovo he, valinga nawa putyina velilongesila ku Jeova, mokutehelela nawa etyi ovana vavo vapopia. (Tiago 1:19) Vesukisa okunoñgonoka oñgeni ovana vavo velitehelela, alo umwe, onondaka mbahaviukile pamwe vapopia.—Tanga Números 11:11, 15.
Oñgeni molongo ovana vove avekulu nonondunge?
Mokonda una ovana, ove una okuveavela ovitumino. (Efésios 6:1) Lilongesila kongeleka ya Huku. Huku ulekesa okuti una oluembia novana vae, mokuvepa ovitumino, nokuvepopila ovitateka vituka kokuhaendela-mo. (Gênesis 3:3) Huku kakuluminya ovanthu okumutavela, mahi, uvelongesa oñgeni mavapolo ouwa kokulinga etyi tyaviuka.—Tanga Isaías 48:18, 19.
Kala nomphango yokukuatesako ovana vove, opo vakale nohole na Huku. Inkha ulinga ngotyo, mavalingi ovipuka nonondunge, alo umwe tyina uhepo. Huku utulongesa mokutuavela ongeleka. Moluotyo, nove kala nohole na Huku, opo ovana vove vatalele-ko.—Tanga Deuteronômio 6:5-7; Efésios 4:32; 5:1.