OSAPI YO KONDYE | ONOMBANGI MBA JEOVA OVALIE?
Omokonda Yatyi Tuivisila?
Tyafuile natyike tyitukalesa vali ovanthu velikalela, tyipona ovilinga vietu viokuivisa umbo na umbo, na pana vavasiwa ovanthu ovanyingi, ine kese apa vavasiwa. Omokonda yatyi tuivisila?
Onombangi mba Jeova vaivisa opo vankhimaneke Huku, nokunoñgonokesa enyina liae. (Hebreus 13:15) Tupu, tuhanda okutavela ku Jesus Kristu, watuma okuti: “Endei, kalongesei ovanthu movilongo aviho. . . . Velongesei okutavela ovipuka aviho ame nemutuma.”—Mateus 28:19, 20.
Tupu, onthue tuhole vakuetu. (Mateus 22:39) Otyili, tutyii okuti ovanthu ovanyingi vena onongeleya mbavo, nokuti ha aveho mavasuku nonondaka tuvepopila. No ngotyo, tutyii okuti etyi Ombimbiliya ilongesa tyiyovola omienyo. Otyo tutuailako “tyihatalama okuivisa nokulongesa onondaka onongwa konthele ya Kristu,” ngetyi tyalingile Ovakristau votete.—Atos 5:41, 42.
Omunongo Antonio Cova Maduro, wahoneka konthele “yononkhono Onombangi mba Jeova valinga, nononkhumbi vamona, okulimana ononkhono . . . , opo ondaka ya Huku ihike alo kononthele mbukahi vali kokule mbohi.”—El Universal newspaper, Venezuela
Ovanthu ovanyingi vatanga omikanda vietu, ha Nombangi-ko mba Jeova. Ovanyingi tulilongesa navo Ombimbiliya, o vonongeleya ononkhuavo. No ngotyo, vapandula etyi Onombangi mba Jeova veveovola.
Ove hamwe una omapulo omakuavo konthele yo Nombangi mba Jeova. Tukukonga opo wovole omakumbululo
Mokupula Ombangi ya Jeova.
Mokutala mo site yetu www.jw.org
Mokuenda komaliongiyo etu, aikuka pala ovanthu aveho, tyihafete natyike.