Oityi Ombimbiliya Ipopia?

Oityi tyipita nonthue tyina tunkhia?

OVANTHU VAMWE VETAVELA okuti tyina tunkhia tutualako nomuenyo komphangu onkhuavo. Iya ovakuavo vetavela okuti ononkhia onthyulilo ya atyiho. Iya ove, utavela kutyi?

ETYI OMBIMBILIYA IPOPIA

“Vokuankhia, kavei vali natyike.” (Eclesiastes 9:5) Tyina omunthu amankhi, wanyima umwe, keko vali.

OITYI VALI TULILONGESA MO MBIMBILIYA?

• Omulume wo tete Andau, wakondoka monthata etyi ankhia. (Gênesis 2:7; 3:19) Moluotyo, atuho tyina tunkhia tukondoka monthata. —Eclesiastes 3:19, 20.

• Ovanthu vokuankhia ononkhali mbavo mbanyimwa-ko. (Romanos 6:7) Omunthu tyina amankhi, kamoneswa vali ononkhumbi mokonda yononkhali alingaile.

Okuti vokuankhia vapondola okukala vali nomuenyo?

OVE ÑGENO WAKUMBULULA ÑGENI?

• Enga?

• Au?

• Hamwe?

ETYI OMBIMBILIYA IPOPIA

“Makukakala etutilo.”​—Atos 24:15.

OITYI TUPONDOLA OKULILONGESA VALI MO MBIMBILIYA?

• Ombimbiliya yeeleka ononkhia nolumphoki. (João 11:11-14) Huku utyivila okupahula-po ovanthu vokuankhia, ngetyi onthue tutyivila okupahula-po omunthu ulele.​—Jó 14:13-15.

• Ombimbiliya itupopila okuti kuali ovanthu ovanyingi vankhile avatutiliswa. Ngotyo, otyo tyitukalesa nonthumbi yokuti ovanthu vana vokuankhia mavakatutiliswa.​—1 Reis 17:17-24; Lucas 7:11-17; João 11:39-44.