Oityi Ombimbiliya Ipopia?
Okuti ongeleya-yahindwa novanthu?
OVANTHU VAMWE VETAVELA okuti onongeleya mbahindwa novanthu, ovakuavo vasoka okuti Huku undapesa onongeleya opo akuateseko ovanthu okufuena kwe.
Oityi ove Usoka?
OITYI OMBIMBILIYA IPOPIA?
Kuna “efendelo liasukuka komaiho a Tate, Huku yetu.” (Tiago 1:27, onondaka pokatoi) Ongeleya yasukuka ine yotyotyili itunda ku Huku.
ETYI TULILONGESA TYITUNDA MOMBIMBILIYA
Opo ongeleya ihambukiswe Huku, etyi ilongesa tyina okutunda Mombimbiliya.—João 4:23, 24.
Ongeleya ilongesa omalusoke ovanthu, itupu esilivilo. —Marcos 7:7, 8.
Okuti tyesukisa okulinga onthele yongeleya imwe?
OITYI OVE UPONDOLA OKUPOPIA?
Yo
Au
Ine hamwe
OITYI OMBIMBILIYA IPOPIA?
“Tulipamekei pokati, opo tukale nohole kumwe novilinga oviwa, tuhayekeipo okuenda komaliongiyo.” (Hebreus 10:24, 25) Huku uhanda vana vemufenda vakale otyikundyi tyaongana nawa.
ETYI TULILONGESA TYITUNDA MOMBIMBILIYA
Vana vafenda Huku vena okulikuata okapandi mefendelo liavo.—1 Coríntios 1:10, 11.
Ovanthu vongeleya Huku apanda vatunda mouye auho.—1 Pedro 2:17.