Okuti Ñgaa Tyesukisa Umwe Okukala Mongeleya Imwe?

Ekumbululo lyo Mbimbiliya

Yoo, tyesukisa mokonda Huku wahanda ovanthu vae veliongiye vemufende kumwe. Ombimbiliya yati: ‘Tusokei ku vakuetu opo tuliavele ondundo yokulihumba, nokulinga ovilinga oviwa, nokuhayeke-po okuliongiya.’ — Ova Hebeleu 10:24, 25.

Sesusi wapopile onondaka mbumwe mbulekesa okuti ovalongwa vae ankho maveliongaiya vafende Huku. Wati: ‘Ovanthu aveho mavaimbuka okuti muvalongwa vange inkha mulihumba pokati.’ (Suau 13:35) Okutyi ovanthu mavatalela okuti ovalongwa va Sesusi velihole pokati? Vena okukala kumwe, vena okuliongiya apeho vafende Huku. (1 Ova Kolindu 16:19) Opo, opo vala mavetyivili okukala ombunga ononene yaoya mouye auho. — 1 Petulu 2:17.

Okukala vala mongeleya imwe katyituuka

Ombimbiliya ipopia okuti okulinga vala vongeleya imwe, nokuliongiya na vakwenyi, katyituuka. Omunthu una okulinga etyi Huku ahanda tyapopiwa mo Mbimbiliya. Una okutyilinga umwe ononthiki mbatyo ambuho. Ombimbiliya yati: ‘Ongeleya yasukuka ihena esilo komaiho a Huku yetu Tate oyei: itekula onosona novahepe movitateka viavo, ikuatesako ovanthu vakale tyehena onkhako youye.’ — Tiaku 1:27, okatoi.