Oityi Ombimbiliya Ipopia?

Okuti Huku ukumbulula omalikuambelo ovanthu aveho?

OVE UPONDOLA OKUPOPIA OKUTI HUKU UKUMBULULA OMALIKUAMBELO . . .

• Aveho

• Ovanthu vamwe

• Ine au

ETYI OMBIMBILIYA IPOPIA

“Jeova ukahi popepi novanthu aveho. . . na vana vemuihana notyili.”—Salmo 145:18.

OITYI VALI TUPONDOLA OKULILONGESA MO MBIMBILIYA?

• Huku kakumbulula omalikuambelo avana vehemutavela. (Isaías 1:15) Mahi, inkha ‘vaviukisa onkhalelo yavo,’ Huku uvekumbulula.—Isaías 1:18.

• Opo Huku akumbulule omalikuambelo etu, tuna okulinga etyi tyelikuata nehando liae ngetyi tuvasa Mombimbiliya.—1 João 5:14.

Okuti tuna okulikuambela monkhalelo imwe yakolela?

VAMWE VASOKA OKUTI vena okuikila konongolo avelipetamena ine okuika-po omutwe ine hamwe okuwaneka omankhanya tyina vekahi nokulikuambela. Oityi ove usoka?

ETYI OMBIMBILIYA IPOPIA

Huku ukumbulula omalikuambelo avana “vepumphi “ ine “vetai” ine hamwe vana “velinyongamena” ine “vaikila konongolo.” (1 Crônicas 17:16; 2 Crônicas 30:27; Esdras 10:1; Atos 9:40) Huku ketupopila oñgeni tuna okukala putyina tulikuambela.

OITYI VALI TUPONDOLA OKULILONGESA MO MBIMBILIYA?

• Huku utehelela vana veliola omutima.—Salmo 138:6.

• Ove upondola okulikuambela melaka ove uhanda ine okuitila momutima.—2 Crônicas 6:32, 33; Neemias 2:1-6.