Oityi Ombimbiliya Ipopia?

Okuti Huku oe weetako ononkhumbi?

Oityi ove upondola okupopia?

• Yoo

• Au

• Ine hamwe

Etyi Ombimbiliya ipopia

“Okulinga ovivi tyikahi kokule na Huku yotyotyili, Wepondolo aliho kalingi natyike tyahaviukile!” (Jó 34:10) Huku haeko weeta ovivi nononkhumbi mbukahi nokumoneka mouye uno.

Oityi vali tupondola okulilongesa mo Mbimbiliya?

• Satanasi Eliapu, “omutumini wouye uno,” oe ukahi nokueta ononkhumbi.​—João 14:30.

• Ononkhumbi novivi tupu vituka kovipuka ovivi ovanthu vaholovona okulinga.​—Tiago 1:14, 15.

Ononkhumbi nthiki imwe mambukapuako?

Vamwe vasoka okuti ovanthu vapondola okumanako ononkhumbi kononkhono mbavo muene valinga, vamwe vasoka okuti ouye uno maupiluluka liwa-liwa iya ovanthu avakala vali nawa. Oityi ove usoka?

Etyi Ombimbiliya ipopia

Huku makamanako ononkhumbi. “Ononkhia, okulila, no nongembia kamavikakalako vali.”​—Revelação 21:3, 4.

Oityi vali tupondola okulilongesa mo Mbimbiliya?

• Huku makaundapesa Jesus opo amaneko ononkhumbi mbaetwa Neliapu.​—1 João 3:8.

• Ovanthu va Huku mavakakala nombembwa pano pohi pala apeho.​—Salmo 37:9-11, 29.