Omapulo Akumbululwa

◼ Omikanda patyi vivali tuna yokulilongesa novalongwa vo Mbimbiliya?

Omukanda Ombimbiliya Ilongesa, oo tuesukisa okuhimbika nao pokulongesa ovalongwa Vombimbiliya. Tupu, okuhimbika okulongesa omulongwa momukanda omukuavo, no motratadu, katyapengele. Mahi, tyesukisa okulinga ononkhono opo tulilongese navo momukanda Ombimbiliya Ilongesa. Okuhimbika okulilongesa novalongwa momukanda Ombimbiliya Ilongesa, tyikahi nokukuatesako ovanthu ovanyingi.

Inkha omulongwa wamana okulilongesa omukanda Ombimbiliya Ilongesa, mahi ukahi nokukula mopaspilitu, upondola okulongeswa momukanda Adore a Deus. (Col. 2:⁠7) Pefo lia 2, omukanda oo upopia okuti: “Ombimbiliya ilunda aveho vehole Huku, ‘okunoñgonoka nawa oule no kuaya kohi kuotyili tyakolela tyo Mbimbiliya. (Efé. 3:​18) Etyi, otyo omukanda oo, walingilua. Onthue tuna ekevelo liokuti, omukanda oo maukuvatela okukula mopaspilitu, nokukala tyafuapo nawa opo wendele mondyila yahita ituala komuenyo mouye omupe waviuka wa Huku.”

Inkha omulongwa wafuapo pala okumbatisalwa tyina nkhele ehenemane omukanda wavali, tyina amambatisalwa wesukisa okutualako okulilongesa alo eumana. Moluotyo, namphila omulongwa ambatisalwa, omuivisi ukahi nokumulongesa upondola okuvalula omuvo, nelongeso, novikando elilongesa nae. Mahi omuivisi utunda nae, tupu upondola okuvalula vala omuvo.