“Ouhamba Wove Uye” ELIKUAMBELO LILINGWA NOVANTHU OVANYINGI-NYINGI
Okuti uhole okulikuambela okuti, ‘Ouhamba wove uye’? Tunde kohale, ovanthu ovanyingi ongotyo velikuambela. Omokonda yatyi velikuambelela ngotyo? Omokonda otyo Sesusi alongesile ovalongwa vae.
Ponthyimbi, ovalongwa va Sesusi velipulile ovipuka vimwe konthele Youhamba wa Huku. Ankho kavanoñgonokele nawa etyi Sesusi evelongesile konthele Youhamba. Mongeleka, nthiki imwe vapulile Sesusi okuti: “Tatekulu, okuti o momuvo uno mopindula-po ouhamba wo Isilayeli?” Sesusi evekumbulula okuti kamavetyinoñgonoka. Tyafuile ovalongwa va Sesusi hatyoko ankho vakevelela okukumbululwa ngotyo. (Ovilinga 1:6, 7) Okuti otyo tyilekesa okuti onthue kamatunoñgonoka ovipuka tuhole okulipula konthele Youhamba wa Huku? Au, hatyoko!
Omutala Womulavi ou, maukumbulula omapulo aa:
Omokonda yatyi tuesukisila Ouhamba wa Huku?
Olie Ohamba Youhamba wa Huku?
Onalupi mauya okutumina pano pohi?
Oityi Ouhamba wa Huku maukalinga?
Omokonda yatyi tuesukisilaokuhula Kouhamba wa Huku pahetyino?
Ouhamba wa Huku oityi?