Oityi Matupopi Konthele Yomutala Womulavi no Despertai!
Omutala Womulavi 1 ya Kupupu
“Oityi ove usoka, okuti ouye uno upondola okukala omphangu ongwa inkha ovanthu aveho vaundapesa momuenyo wavo ovitumino Viombimbiliya? [Tanga Romanos 12:18. Iya oyeke omunthu akumbulule.] Okuti nthiki imwe welipuliliale omokonda yatyi Huku kohale ovikando vimwe atumine ovanthu vae okulwa? Omutala ou Womulavi ulekesa ekumbululo liayandyuluka Liombimbiliya.” Lekesa onthele ikahi pefo 13. (Ukahi moputu)
Despertai! de Janeiro
Tanga Atos 17:3a. Iya opopi okuti: “Pala ovanthu ovanyingi, okusoka Onthiki Yekoyeso hatyiwako. Iya ove, oñgeni ulitehelela konthele oyo? [Yeka omunthu akumbulule.] Ombimbiliya ilongesa okuti Onthiki Yekoyeso maiyeta ononkhano ononyingi onongwa pala oohi. O Despertai! ei ityihangununa.” Lekesa onthele ikahi pefo 10.
Omutala Womulavi 1 ya Tyitalale
“Ovanthu ovanyingi vakevelela okuenda keulu tyina vamankhi. Okuti nove otyo usoka? [Yeka omunthu akumbulule.] Tala etyi Ombimbiliya ipopia konthele yondyambi ovanthu ovanyingi ovawa mavakapewa. [Tanga Salmo 37:29.] Omutala ou Womulavi ulekesa oityi Ombimbiliya ipopia konthele yovalie mavaende keulu netyi mavakalinga.”
Despertai! de Fevereiro
“Okulihenga hono, katyitalwa ngatyina otyipuka tyimwe otyivi. Ove usoka okuti ovalinepi vehole okutala nawa ovitateka viakutikinyamo putyina nkhele vehenetokole okulihenga? [Yeka omunthu akumbulule. Iya otange Provérbios 14:15.] O Despertai! ei ipopia ovipuka vikuana ovalinepi vena okutala nawa tyina vasoka okulihenga.”