Oityi Matupopi Konthele Yomutala Womulavi no Despertai!
Omutala Womulavi 1 ya Hitandyila
“Ovanthu ovanyingi vetavela okuti otyikunino tyo Endene katyakaleleko. Tyikuhuvisa okunoñgonoka etyi Jesus apopile konthele ya Andau na Eva okuti ovanthu votyotyili? [Yeka omunthu akumbulule. Iya otange Mateus 19:4-6.] Omutala ou Womulavi ukumbulula omapulo ovanthu valinga konthele yotyikunino tyo Endene.”
Despertai! de Fevereiro
“Mokonda Ombimbiliya omukanda omukulu, ovanthu ovanyingi vapopia okuti oyo kayafuilepo tyina ipopia konthele younongo womouye. Oityi ove usoka? [Yeka omunthu akumbulule.] Ovanthu ovanyingi vahuva nonondaka ombu Mbombimbiliya. [Tanga Isaías 40:22.] Onthele ei ihimbika pefo 22, ikumbulula epulo eli, Okuti ounongo womouye welikuata kumwe Nombimbiliya?”
Omutala Womulavi 1 ya Tyitalale
“Hono ovanthu ovanyingi vekahi nokulihenga. Oityi ove usoka tyikahi nokutuala ovanthu okulihenga? [Yeka omunthu akumbulule.] Tala elondolo eli likahi nokukuatesako ovalinepi ovanyingi. [1 Coríntios 10:24.] Omutala ou Womulavi upopia ononthele epandu mbapopiwa novalume novakai, nokulekesa oñgeni okuundapesa ovitumino Viombimbiliya tyipondola okuvatela.”
Despertai! de Março
“Mokonda ovanthu ovanyingi vena ovitateka viekongoko, onthue tukahi nokupopia novanthu konthele yo versikulu ei ipameka. [Tanga Isaías 33:24.] Tyina onondaka ombu mbamafwisuapo, ove usoka okuti omuenyo maukapiluluka? [Yeka omunthu akumbulule.] Alo Huku aeta omapiluluko oo, pena ovipuka atuho tupondola okulinga opo tukale nekongoko eewa. O Despertai! ei ityihangununa.”