Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete ya Pepo Linene

“Welipulale omokonda yatyi Huku ayekelako ovivi nononkhumbi? [Yeka omunthu akumbulule.] Nahanda okukulekesa otyipuka tyimwe konthele yotyo.” Omutangela onondaka mbukahi pombuelo yasapi yotete yonthele yati ‘Lilongesa Ondaka ya Huku,’ ikahi Momutala Womulavi 1 ya Pepo Linene, notestu ikahipo. Muavela Omutala Womulavi, omupopila okuti moya okukumbulula epulo ekuavo tyina wamakondoka.

Omutala Womulavi 1 ya Pepo Linene

Tanga Salmo 37:10, 11. Iya opopi okuti: “Ove usoka okuti matutale omulao ou tyina wamafuisuapo? [Yeka omunthu akumbulule.] Omutala ou Womulavi upopia omaulo epandu elikalela Ombimbiliya ekahi nokufuisuapo pahetyino, tupu alekesa okuti tyotyili omulao oo apa katutu maufuiswapo.”

Despertai! de Junho

“Oukongombanda otyitateka tyikahi ouye auho. Kuove oityi tyeeta otyitateka otyo? [Yeka omunthu akumbulule.] Onondaka ombu Mbombimbiliya mbutuavela ekevelelo. [Tanga Salmo 72:7, 14.] O Despertai! ei ihangununa omokonda yatyi ovanthu vekahi nokukala omakongombanda nokulekesa etyi Ombimbiliya ipopia konthele yoñgeni iya onalupi omakongombanda maukapuako.”