Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete mu Pepo Linene

“Tyina utala onongeleya okuti mbuava ondundo yokukala nohole, ine o yokuliyala noungangala? [Yeka omunthu akumbulule.] Nahanda okukulekesa otyipuka tyimwe tyakolela konthele yotyo.” Muavela Omutala Womulavi wa 1 ya Pepo Linene, amutange nokupopia konthele yonondaka mbukahi pombuelo yosapi yotete pefo 26, konyima otange otestu ike. Muavela omutala womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Pepo Linene

“Ovanthu ovanyingi vetavela okuti otyiwa onongeleya okulipaka mopulitika, iya ovakuavo vasoka okuti onongeleya kambupondola okuhonya no pulitika. Ove oityi usoka? [Yeka omunthu akumbulule.] Tala oñgeni Jesus alingile etyi nthiki imwe ovanthu vahandele okumupaka mopulitika. [Tanga João 6:​15.] Omukanda ou ulekesa omokonda yatyi Jesus alingilile ngotyo, nonkhalelo yaviuka Ovakristau vapondola okukuatesako vakuavo.”

Despertai! de Junho

“Kese enima ovanthu ovanyingi ouye auho vatumbukilwa nokuvela, mokonda yokulia kuhaeta ekongoko. Mokusoka kuove, potyilongo tyenyi okulia kukongokesa? [Yeka omunthu akumbulule.] Omukanda ou uhangununa ononkhalelo ononkhuana tupondola okuyakulila ombunga yetu komauvela atuka kokulia. Tupu, upopia konthele yomulao wo Mbimbiliya, wokuti apa katutu kese omunthu, makakala nokulia okunyingi kukongokesa.” Tanga Salmo 104:​14, 15.