Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete tya Kakwenye

“Atuho tuna ombunga ine omapanga okuankhia. Okuti una ekevelelo liokukondoka okuvetala vali? [Yeka omunthu akumbulule.] Tala onondaka ombu mbupameka.” Tanga nokupopia onondaka mbukahi pombuelo yosapi yotete pefo 22 Yomutala Womulavi 1 ya Kakwenye, notestu ikahipo. Muavela Omutala Womulavi, omupopila okuti moya okukumbulula epulo ekuavo.

Omutala Womulavi 1 ya Kakwenye

“Ovanyingi puonthue tulinga ononkhono opo tuvase etyi matuli, iya vamwe vetupu umwe etyi valia. Oityi ove usoka, okuti nthiki imwe kamakukala vali ovanthu vahepa? [Yeka omunthu akumbulule. Otange Salmo 9:18.] Omutala ou Womulavi ulekesa omahunga oluhepo netyi Ombimbiliya ipopia konthele yokutetulula otyitateka otyo.”

Despertai! de Julho

Popia otyiponga tyimwe tyapita potyilongo ine motelevisau. Iya opopi okuti: “Ove utyii omokonda yatyi Huku ayekelako ovipuka evi vimoneke? [Yeka omunthu akumbulule.] Ombimbiliya ipopia okuti, Huku una okankhenda na vana vamona ononkhumbi. [Tanga Êxodo 3:7.] Ombimbiliya tupu itupopila omokonda yatyi Huku ayekelako ononkhumbi iya apa katutu mekembumanako. O Despertai! ei ityihangununa.”