Omalekeso Ehepuiya

Pala Okuhimbika Okulongesa Ovanthu Ombimbiliya Motyasapalo Tyotete mu Kakwenye

“Ovanthu aveho vahanda okukalako omanima omanyingi, nomuenyo wehambu. Tuhanda okutehelela olipi ekumbululo liove konthele yepulo eli: Ove usoka okuti ounongo wouye novihemba nthiki imwe mavitukuatesako okukalako apeho? [Yeka omunthu akumbulule.] Tala etyi tyapopiwa apa.” Olekesa onthele ikahi pefo liahulilila Momutala Womulavi 1 ya Kakwenye nokulilongesa onondaka mbukahi pepulo liotete notestu ike pumbuna mbukahipo. Ava Omutala Womulavi no Despertai! amulilae onalupi moya okulilongesa nae epulo ekuavo.

Tala: Elekeso eli lilingwe meliongiyo liovilinga mu 6 ya Kakwenye.

Omutala Womulavi 1 ya Kakwenye

“Ovanyingi tuapopia navo kese umwe una ongeleya yae. Mahi ovakuavo vapopia okuti kavayumbu vali onthumbi monongeleya. Oityi ove usoka konthele yonongeleya? [Yeka omunthu akumbulule.] Jesus wetuavela onondonga mbutukuatesako okupunga ongeleya ikahi nawa. [Tanga Lucas 6:44a.] Omukanda ou upopia ovituwa vimwe ovivi vilingua nonongeleya.Tupu, ukumbulula epulo liati, okuti kuna ongeleya iyumbwa onthumbi?”

Despertai! de Julho

“Tukahi nokutalelapo ovomunthele yetu opo tupopie navo konthele yotyitateka, tyokulingwa onya. Vamwe vasoka okuti okulwa otyo tyitetulula otyitateka otyo. Ove usoka okuti okulwa otyo tyimanako okulingwa onya? [Tanga Mateus 6:9, 10.] Omukanda ou ukumbulula epulo liati, okuti okulwa otyo tyimanako otyitateka otyo?”

Onondaka Onongwa Mba Huku!

“Tukahi nokutalalelapo ovanthu momaumbo avo pala okuvekuatesako nolusoke luo Mbimbiliya. Ovanyingi tupopia navo velipula omokonda yatyi Huku una oluembia ayekela ononkhumbi mouye. Ove usoka okuti etyi Huku alinga ouye ankho uhanda mukale ononkhumbi?” Yeka omunthu akumbulule. Ikula Pelongeso 5, amutange onopalagrafu onombali no notestu mbayendelekwa. Muavela ombrochula amulilae onalupi moya okulilongesa nae epulo liahonekwa nonondaka mbanthikovela vali.