‘Tualako Okukala Mohole ya Huku’
1 Tukevelela nehambu enene okulilongesa omukanda ‘Tualako Okukala Mohole ya Huku’, Melilongeso Liombimbiliya mewaneno, okupolelela mosimano 4 ya Hitandyila yo 2013! Onondaka ononkhalamutwe mbo Nombangi mba Jeova, vahonekela kese munthu uhole Jeova konthyimbi yomukanda oo, mbumanuhuka nokuti: “Tuhanda nomutima auho omukanda ou ukukuateseko okutualako okuundapesa ovitumino via Huku momuenyo wove nokukala ‘mohole ya Huku . . . pala okupewa omuenyo wahapu.’—Judas 21.”
2 Oityi Tukevelela: Oñgeni Ovitumino Viombimbiliya viaundapeswa konthele youpanga, novitalukiso, nonthilo novatumini, novituwa, notyinepo, no yokupopia, novityiliyo? Omitima vietu mavilongwa okuendela nawa movitumino viavilapo viouviuki, vikahi Mondaka ya Huku. (Salmo 19:7, 8) Enoñgonoko lietu konthele yonkhalelo yokusoka ya Jeova, maliliyawisa, matukala nehando enene liokumuhambukiswa, iya otyo matyituavela ondundo yokumutavela mononkhalelo ambuho mbomuenyo.—Pro. 27:11; 1 João 5:3.
3 Tokola Okuava Omakumbululo: Putyina ulipongiya, soka okukahivilika Huku pokati kovanthu veliongiya. (Heb. 13:15) Ewaneno aliho kumwe malililongesa omukanda oo omupe. Mokonda matulilongesa ono palagrafu mbuhehi, matyitukuatesako okupongiya nawa, opo tukale nonthumbi yokukaava omakumbululo konthele yetyi tuelilongesa. Okulipongiya nawa, matuave omakumbululo maavela vakuetu ondundo yokukala nohole, novilinga oviwa. Tupu tyikuatesako okukala nelilongeso lihambukiswa nokuakolela. (Heb. 10:24) Tupu, ehambu lietu maliliyawisa tyina tuava omakumbululo konthele yekolelo lietu.
4 Motyinthiki tyahulililako tya Jesus pano pohi, wapopia okuti tuesukisa okutavela ovitumino via Jeova, opo tutualeko okukala mohole ya Huku. (João 15:10) Omukanda ‘Ohole ya Huku,’ mautukuatesako okutokola vali okuendela movitumino vio Mbimbiliya kese nthiki yomuenyo wetu, ‘nokutualako okukala mohole ya Huku.’—Judas 21.
[Omapuko Elongeso]
1. Oityi omukanda ‘Tualako Okukala Mohole ya Huku’ walingilua?
2. Omukanda oo omupe mautukuatesako kononthele patyi mbomuenyo?
3. Oityi tuesukisila okulinga ononkhono opo tuave omakumbululo melongeso kese simano?
4. Tyakolela unene okuendela movitumino via Jeova mokonda yatyi?