Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete mu Tungonkhe

“Omanima o pahe, ovanthu vasuka no noandyu vekahi nokuliyawisa. Ove usoka okuti kuna umwe tyili onoandyu? [Yeka omunthu akumbulule] Tala etyi omukanda ou upopia.” Lekesa omunthu Omutala Womulavi 1 ya Kwenye Kunene, amutange nokupopia konthele yonondaka mbukahi pombuelo yosapi yotete pefo 24. Konyima amutange ike po notestu mbukahipo. Muavela Omutala Womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Kwenye Kunene

Tanga Salmo 65:2. Iya opopi okuti: “Ovanthu ovanyingi vetavela okuti Huku “Omuteheleli womalikuambelo,” moluotyo velikuambela ononthiki ambuho. Mahi ovakuavo vapula okuti: ‘Inkha Huku okueli umwe, oityi ouye weyulila ovitateka ovinyingi?’ Ove oityi usoka? Okuti kuna umwe Huku utehelela omalikuambelo etu? [Yeka omunthu akumbulule.] Omukanda ou upopia oñgeni Ombimbiliya ikumbulula epulo olio, liati: ‘Omokonda yatyi Omuteheleli womalikuambelo ayeka ononkhumbi mbutualeko?’”

Despertai! de Setembro

“Ovanthu ovanyingi vapopia okuti omuenyo kombanda yoohi nthiki imwe maukanyimako novita ovinene ine otyiponga otyinene, mokonda yepiluluko liononthungululu, ine liomivo. Mokusoka kuove omaulo atyo oo onthiki yekoyeso yakolela, ine ondyoi vala? [Yeka omunthu akumbulule.] Ombimbiliya yava omulao oo uungumanesa. [Tanga Salmo 37:29.] Omukanda ou upopia ononthiki mbumwe mbekoyeso, netyi Ombimbiliya ipopia konthele yetyi matyiya komutwe.”